Naxçıvan Muxtar Respublikası Səhiyyə Nazirliyində 2018-ci ilin 7 ayı ərzində həkim məsləhət komissiyalarının (HMK) fəaliyyəti və Tibbi Sosial Ekspert Komissiyasına (TSEK) göndərişlərin vəziyyəti müzakirə edilib. Səhiyyə naziri Niyazi Novruzov xəstəliyə görə əlillik qrupu pensiyalarının və müavinətlərin dayanıqlı maliyyə təminatının formalaşdırılmasını ölkədə həyata keçirilən uğurlu sosial siyasətin bəhrəsi kimi dəyərləndirərək bu sahədə görülən işlərdən danışıb. Sonra Naxçıvan Muxtar Respublikası Səhiyyə Nazirliyində əlilliyin müəyyən edilməsi və TSEK-ə göndərişlərə nəzarət komissiyasının sədri Süleyman Cəfərov ötən 7 ay ərzində daxil olan müraciətlər, ekspertizadan keçən xəstələr, əlillik qrupu təyin edilən, əlavə müalicəyə qaytarılan, əlillikdən imtina olunan xəstələr haqqında məlumat verib.
Bildirilib ki, Naxçıvan Muxtar Respublikası Nazirlər Kabinetinin “Tibbi-sosial ekspert komisiyaları haqqında Əsasnamə”də dəyişikliklər edilməsi barədə 5 dekabr 2016-cı il tarixli qərarına uyğun olaraq həkim məsləhət komissiyalarının TSEK-ə göndərişləri Naxçıvan Muxtar Respublikası Səhiyyə Nazirliyinə daxil olur və həftədə bir dəfə bu göndərişlər araşdırılır. Göndəriş və tibbi sənədlərdə çatışmazlıqlar qeydə alınan hallrda nöqsanlar qeyd edilməklə geri qaytarılır. Göndərişin təlimata uyğun olduğu müəyyən edilən hallarda isə xəstələrin tibbi sənədləri və siyahısı İdərələrarası Elektron Sənəd Dövriyyəsi Sistemi vastəsilə Naxçıvan Muxtar Respublikasının Əmək və Əhalinin Sosial Müdafiə Nazirliyinə göndərilir. Göndəriş və tibbi sənədləri qanunvericiliyə uyğun olan xəstələr TSEK tərəfindən çağrılır və əlillik dqrupu təyin edilir. Tibbi sənədlərdə hər hansı bir çatışmazlıq qeydə alınan bütün hallarda geri qaytarılır.
İclasda məlumat verilib ki, Naxçıvan Muxtar Respublikası Səhiyyə Nazirliyi tərəfindən TSEK-ə tibbi sənədlərin göndərilmə qaydaları barədə hazırlanmış təlimat, “Xəstəliklərin və əlilliklə bağlı problemlərin beynəlxalq statistik təsnifatı” adlı iki cilidlik kitab və “Əlilliyin sağlamlıq imkanlarının məhdudluğunun müəyyən olunması meyarlarına dair Əsasnamə” əməli vəsait kimi tibb müəssisələrindəki HMK-na paylanılmışdır. 2018-ci ilin yanvar ayından tibb müəssisə rəhbərlərinin razlığı əsasında HMK sədr və üzvləri təsdiq edilmişdir. Bir sıra istisnalarla tibb müəssisələrində HMK-nın sədrləri əsasən baş həkimlərdir.
İclasda bildirilib ki, tibb müəssiələri tərəfindən cari ilin 7 ayı ərzində Naxçıvan Muxtar Respublikası Səhiyyə Nazirliyinə 966 göndəriş daxil olmuşdur. Bu müddət ərzində Naxçıvan Muxtar Respublikası Səhiyyə Nazirliyindəki komissiya tərəfindən 34 nəfər xəstə müayinəyə dəvət edilib. 590 xəstənin tibbi sənədləri Naxçıvan Muxtar Respublikası Səhiyyə Nazirliyi tərəfindən Naxçıvan Muxtar Respublikasının Əmək və Əhalinin Sosial Müdafiə Nazirliyinin TSEK-na göndərilmişdir. 2017- ci ilin müvafiq dövrü ilə müqayisədə TSEK-ə göndərişlər 41 ilkin qeydəalma, 47 müavinət, 26 nəfər ağırlaşma hesabına artıb. TSEK-ə göndərilən xəstələr arasında sinir, göz, onkoloji, psixi, kardioloji, travma və endokrin sistem xəstələri üstünlük təşkil edir. İlkin xəstələrin 60 faizindən çoxu sinir, ürək-damar, onkoloji və endokrin xəstələrin payına düşür.
Göz xəstələrin sayının çoxluğu bu xəstəliklərə qarşı müalicə-profilaktika tədbirlərinin düzgün qurulmadığnı göstərir. Ağırlaşmaların sayının çoxalması, xüsusən də III qrup xəstələrin I qrupa keçirilməsi halı artıb. Şəkərli diabet xəstəliyinə görə görmə pozğunluğu ağırlaşmalarının artması da xüsusilə qeyd edilməlidir.
Kollegiya iclasında xatırladılıb ki,bu ilin iyul ayında Naxçıvan Muxtar Respublikası Səhiyyə Nazirliyində həkim məsləhət komissiyaları və TSEK-nın əməkdaşları ilə birgə iclas keçirilib. İclasda TSEK-ə göndərişlərdə yol verilən nöqsanlar və onların aradan qaldırılması, xüsusən də imtina halları müzakirə olunub. Nəticədə 2016-2017-ci illərlə müqayisədə TSEK-ə göndərişlərdə qeyd olunan nöqsanlar xeyli azalıb.Tibbi sənədləşmə işi yaxşılaşıb.Bununla yanaşı, bir sıra nöqsanların hələ də davam etdiyi vurğulanıb. Belə ki, yol verilmiş nöqsanlara görə TSEK tərəfindən 80 xəstənin sənədlərinin geri qaytarılıb. 16 nəfərin əlavə müalicəyə, 5 nəfərin əlavə müayinəyə göndərilməsi məsləhət bilinib. Əlilliyin meyar kodunun qeyr-düzgünlüyü, diaqnozla xəstənin faktiki vəziyyətində uyğunsuzluq (hiperdianostika),tibbi sənədləşmədə yalnışlıq halları müşahidə edilib.14 halda isə əlillikdən imtina halları qeydə alınıb. TSEK tərəfindən qaytarılan, eləcə də imtina yazılan hər bir xəstənin sənədi özlərinin iştirakı ilə müzakiə olunub.
Kollegiya iclasında qeyd edilib ki, bir sıra hallarda HMK-rı tərəfdən TSEK-ə göndərişlərdə protokol nömrəsi, tarix yazılmır. Yaxud komisiya üzvlərindən birinin, bəzən də sədrin imzası olmur, göndərişin möhürlə təsdiqi unudulur. TSEK-ə göndərişin səbəbi düzgün qeyd edilmir, ağırlaşma, 18 yaş tamam halları ilkin əlillik kimi göndərilir,xəstəliyin beynəlxalq satistik kod nömrəsi, bəzən isə xəstənin kliniki diaqnozu çıxarışda və TSEK-ə göndərişdə düzgün yazılmır. Bəzən əsas xəstəliyin ağırlaşması laborator-diaqnostik müayinələrdə öz əksini tapmasa da, çıxarışlarda və TSEK-ə göndərişlərdə qeyd edilərək hiperdiaqnostikaya yol verilir. Bir sıra hallarda isə əlilliyə əhəmiyyəti olmayan və diaqnostik təsdiqini tapmayan çoxsaylı yanaşı xəstəliklərin yazılmasına rast gəlinir və s.
TSEK-ə göndərişlərdə çıxarışların tarixlərində mexaniki səhvliklərə tez-yol verilir. Bir sıra hallarda xəstənin stasionar müalicə müddəti tam başa çatmamış göndərilir. Bəzən də xəstənin əməliyyat epikrizi, rentgen, laborator, patohistoloji müayinin nəticəsi unudulur. Yaxud əksinə, xəstənin əlilliyi üçün heç bir əhəmiyyəti olmayan çoxsaylı müayinələr aparılaraq nəticələri göndərilir. Ən əsası isə 30 dekabr 2015-ci il tarixdə Azərbaycan Respublikası Nazirlər Kabineti tərəfindən təsdiq edilmiş “Əliliyin və sağlamlıq imkanlarının müəyyən olunması meyarlarına dair Əsasnamə”dən düzgün istifadə edilmir. Belə ki, bəzi hallarda əlilliyə səbəb olan əsas xəstəliyin və ağırlaşmanın kod nömrəsi qeyri-düzgün yazılır. Yaxud da yazılan ağırlaşmalar müayinə zamanı xəstədə öz təsdiqini tapmır. Komisiya tərəfindən bir neçə dəfə qaytarılan belə tibbi sənədlərdə həmin səhvlər təkrar olunaraq TSEK-ə göndərilmə hallarına tez-tez rast gəlinir.
Təlimata görə tələb olunan hallarda 6 aylıq stasionar müalicə müddətinə bəzən əməl edilmir. Bir sıra hallarda isə anatomik qusurlu xəstələrdən səhvən üzun müddət stasionar müalicə tələb olunur və ya müalicədə saxlanılır ki, bunlar da haqlı narazılıq və şikayətlərin artmasına səbəb olur. Bəzi xəstələrdə Bakı şəhərindəki əməliyyat epikrizlərində ağırlaşma olmayan hallardan sonra yerli tibb müəssisələrindəki epikrizlərdə ağırlaşmalar əlavə edilir.
Təssüf ki, bir sıra hallarda laborator-diaqnostika kabinələrində də xəstələrin müayinəsində hiperdianostika hallarına yol verilir.
Səhiyyə naziri bildirib ki, qeyd olunan bu və digər nöqsanları yaranmasında tibb müəssisələrindəki həkim məsləhət komissiyalarının öz işlərinə laqeyd münasibəti ilə bağlıdır. TSEK-ə göndərişlər və xəstənin tibbi sənədləri HMK-nn hər bir üzvi tərəfindən ayr-ayrılıqda yoxlanılmalı, mövcud nöqsanlar tam aradan qaldırıldıqdan sonra sənədlər nazirliyə göndərilməlidir. Bu iş düzgün təşkil olunmadığından göndərişlərdə tez-tez qeyd olunan nöqsanlara rast gəlinir. Geri qaytarılan tibbi sənədlərin təkrar hazırlanması bir aydan çox vaxt aparır və bu da xəstələrin haqlı narazılığına, şikayətlərin artmasına zəmin yaradır.
TSEK-ə göndərişlərdə, diaqnozun tərtibatına, xəstənin stasionar müalicə müddətinin başa çatıb-çatmamasına, laborator-diaqnostik müayinələrin nəticəsinə, diaqnozun əlliliyin təyini meyarlarına uyğun olub-olmamasına, bir sözlə, hər bir çatışmazlığın tam aradan qaldırıldığına əmin olduqdan sonra sənəd nazirliyə göndərilməlidir. Çünki qeyd olunan çatışmazlıqlar aradan qaldırılmadan göndərilən sənədlər komisiya tərəfindən geri qaytarıldıqda şikayətlər yaranır. Odur ki, HMK-nın fəaliyyətləri düzgün qurulmalı, sədr və üzvləri ekspertiza və tibbi sənədləşmə işinə məsuliyyətlə yanaşmalıdır.
Kollegiya iclasına yekun vuran Niyazi Novruzov əmin olduğunu bildirib ki, aparılan təhlillərdən, prinsipial tənqiddən, verilən tapşırıq və tövsiyyələrdən sonra həkim məsləhət komissiyaları öz fəaliyyətlərini müasir tələblər səviyyəsində təşkil edəcək, TSEK-na göndərişlərin vəziyyətinindəki qeyd olunan nöqsanlar aradan qaldırılacaqdır.
Sonda tədbir iştirakçılarını maraqlandıran suallar cavablandırılıb və müvafiq qərar qəbul olunub.
Kollegiya iclasından hazırlanmış hesabat və kollegiyanın qərarı Naxçıvan Muxtar Respublikası Səhiyyə Nazirliyinin saytının “Hesabatlar” və “Mətbuat xidməti” bölmələrinə yerləşdirilmişdir.
Naxçıvan Muxtar Respublikası
Səhiyyə Nazirliyinin mətbuat xidməti