ÜST ekspertləri Çində koronavirusun genom sekvensiyası sahəsində tədbirləri gücləndirməyi tövsiyə ediblər

2023-01-05 / 11:50:44

Çində COVID-19 virusuna yoluxmanın artdığı bir vaxtda Ümumdünya Səhiyyə Təşkilatının (ÜST) ekspertləri koronavirus infeksiyası ilə mübarizədə növbəti addımları müzakirə etməkdən ötrü Cenevrədə toplaşıblar.

COVID-19 üzrə Texniki məsləhətçi qrupun görüşünə Çin alimlərinin dəvət olunması barədə məlumatı ÜST-də təsdiqləyiblər. 2020-ci ilin iyununda yaradılan 30 ekspertdən ibarət qrupun vəzifəsi koronavirusun mutasiyası barədə məlumatları öyrənmək və yeni variantların təhlükəlilik dərəcəsini müəyyən etməkdir.

Birləşmiş Millətlər Təşkilatının (BMT) saytına istinadla xəbər verir ki, qrup sonuncu dəfə ötən ilin oktyabrında toplaşıb.

Bundan əvvəl ÜST-də bildirmişdilər ki, çinli alimlərə “SARS-CoV-2”nin genom sekvensiyası barədə ətraflı məlumatları təqdim etmək xahişi göndərilmişdi. Cümə günü ÜST-nin başçısı Çini COVID-19-a qarşı mübarizədə öz strategiyası haqqında məlumatları bölüşməyə çağırıb. ÜST ekspertləri Çində genom sekvensiyası və koronavirus infeksiyasının yayılmasının izlənilməsi sahəsində tədbirləri gücləndirməyi tövsiyə ediblər.

ÜST-nin Baş direktoru Tedros Qebreyesus özünün tviter səhifəsində “risklərin dəyərləndirilməsi və onlara reaksiya verilməsində effektiv tədbirlərin formalaşdırılması üçün mötəbər məlumatların alınmasının zəruri olmasını” vurğulayıb. Qebreyesus ÜST-nin bu sahədə Çinə dəstəyini, eləcə də vaksin skeptisizminin aradan qaldırılmasında köməyini təklif edib. Çinin hakimiyyət orqanları “yoluxmanın sıfır səviyyəsi” siyasətini zəiflətmək qərarına gəliblər.

Ömrünü xalqımızın tərəqqisi, yüksəlişi və inkişafına həsr etmiş ümummilli lider Heydər Əliyev bütün sahələrdə olduğu kimi, səhiyyənin inkişafında da misilsiz xidmətlər göstərib, xalqın sağlamlıq məsələlərinə prioritet istiqamətlərdən biri kimi baxıb