Naxçıvan Tibb Kollecinin tələbələrindən ibarət “İlk yardım könüllüləri” aprelin əvvəlindən ümumtəhsil məktəblərində şagirdlər üçün ixtisaslı həkim yardımına qədərki ilk yardım qaydalarından bəhs edən təlim-treninqlərə start veriblər. İndiyədək Naxçıvan şəhəri ilə yanaşı, Şərur, Babək, Culfa,Kəngərli və Ordubad rayonlarında bu tədbirlər həyata keçirilib.
Keçirilən növbəti tədbirə isə Sədərək kəndindəki 1 və 2 nömrəli tam orta məktəblər ev sahibliyi edib. Keçirilən tədbirdə kollecin müalicə işi, ortopetik stomatologiya, müalicə masajist, hərbi feldşer və laborator-diaqnistika ixtisasları üzrə təhsillərini davam etdirən 7 tələbəsi şagirdlərə ilkin tibbi yardım göstərilməsini izah edib. Şagirdlər çıxıqlar və sınıqlar, qanaxma, bayılma, yüksək temperatur, kəskin tənəffüs çatışmazlığı, zəhərlənmə, qıcolma,boğulma, ilan sancması barədə məlumatlandırıblar.
Təlim-treninq zamanı ilkin tibbi yardım qaydaları mulyaj üzərində aparılıb, videogörüntülərlə müşayiət olunub. Müzakirələr aparılıb, şagirdləri maraqlandıran suallar cavablandırılıb.
Video üçün link:
https://www.youtube.com/watch?v=Jhqwp6OlVtY
Naxçıvan Muxtar Respublikası Səhiyyə Nazirliyinin mətbuat xidməti