Azərbaycan Respublikasının ümumilli lideri Heydər Əliyevin anadan olmasının 96 illiyi ilə əlaqədar olaraq Naxçıvan Muxtar Respublikası Diaqnostika-Müalicə Mərkəzi Publik Hüquqi şəxsində vətəndaşlara göstəriləcək tibbi xidmətə bayram güzəştlər ediləcək. Bu tədbirə artıq may ayının 1-dən start verilib və 2019-cu il mayın 31--dək davam edəcək. Ay ərzində vətəndaşlara göstəriləcək tibbi xidmətlərə 20 faiz həcmində güzəştlər olunacaq.
Bu müddətdə vətəndaşlar Diaqnostika-Müalicə Mərkəzində həyata keçirilən tibbi xidmətin ambulator, laborator müayinələrindən yararlana bilərlər. Pasiyentlərə ay ərzində stasionar müayinə-müalicə təminatı da verilir. Onlar həmçinin cərrahi xidmətlərlə əhatə ediləcək və həkim məsləhəti alacaqlar.
Vətəndaşlar Naxçıvan Muxtar Respublikasının Diaqnostika-Müalicə Mərkəzi Publik Hüquqi şəxsində yaradılmış bu imkanlardan istifadə etməklə sağlamlıqlarının etibarlı şəkildə qorunmasına xidmət edə bilərlər.
Naxçıvan Muxtar Respublikası Səhiyyə Nazirliyinin mətbuat xidməti