Muxtar respublikada immunlaşdırma həftəsi başa çatıb

2021-05-03 / 14:51:54

Ümumdünya Səhiyyə Təşkilatının təşəbbüsü ilə 2006-cı ildən başlayaraq Avropa regionunda “İmmunlaşdırma həftəsi” keçirilir və Naxçıvan Muxtar Respublikasının Səhiyyə Nazirliyi bu tədbirlərdə iştirak edir.

  Aprelin 22-dən start götürən  növbəti immunlaşdırma həftəsi aprel ayının 30-da  başa çatıb.

Əziz Əliyev adına Naxçıvan Muxtar Respublikası Mərkəzi Uşaq Xəstəxanası” publik hüquqi şəxsi, Şərur və Ordubad rayon uşaq xəstəxanaları ,  rayon mərkəzi xəstəxanaları  tərəfindən hər hansı səbəbə görə immunlaşdırmadan kənarda qalan 251 uşağın     “İmmunlaşdırma həftəsi” ərzində peyvəndlərə cəlb edilməsi təmin edilib ki bunun da 219 nəfəri Mərkəzi Uşaq Xəstəxanasının payına düşür. Valideynləri tərəfindən peyvənddən imtina edilən uşaqların sayı 151 nəfərdir.

“İmmunlaşdırma həftəsi”nin nəticələri haqqında məlumat Naxçıvan Muxtar Respublikası Gigiyena və Epidemiologiya Mərkəzinə təqdim olunub.

“İmmunlaşdırma həftəsi” ərzində peyvəndlərlə əhatə səviyyəsinə nəzarət məqsədi ilə muxtar respublikanın rayonlarında monitorinqlərin keçirilməsi də təmin edilib.

Qeyd edək ki, uşaqlara göstərilən tibbi xidmətin keyfiyyətinin yaxşılaşdırılması dövlətin sosial siyasətinin prioritet istiqamətlərindən biridir. Odur ki, əhalinin, xüsusən məktəbyaşlı uşaqların sağlamlığının qorunmasına, onların müayinə və müalicəsinə, dispanserizasiyasının təşkilinə xüsusi diqqət yetirilir. Həmin tədbirlərin davamı olaraq 2018-ci il oktyabrın 9-da Naxçıvan Muxtar Respublikası Ali Məclisinin Sədri tərəfindən “Naxçıvan Muxtar Respublikasında uşaqların icbari dispanserizasiyadan keçirilməsinə dair 2018-2022-ci illər üçün Dövlət Proqramı”nın təsdiq edilməsi haqqında” Sərəncam imzalanıb. Dövlət proqramının məqsədi uşaqlara göstərilən tibbi xidmətlərin keyfiyyətini yüksəltməklə, onların arasında xəstələnmənin, sağlamlıq imkanlarının məhdudluğunun və ölüm səviyyəsinin azaldılmasından ibarətdir.

                                                                                                                                                                              Naxçıvan Muxtar Respublika Səhiyyə Nazirliyinin mətbuat xidməti

Ömrünü xalqımızın tərəqqisi, yüksəlişi və inkişafına həsr etmiş ümummilli lider Heydər Əliyev bütün sahələrdə olduğu kimi, səhiyyənin inkişafında da misilsiz xidmətlər göstərib, xalqın sağlamlıq məsələlərinə prioritet istiqamətlərdən biri kimi baxıb