NAXÇIVAN MUXTAR RESPUBLİKASININ SƏHİYYƏ NAZİRLİYİ
KOLLEGİYASI
QƏRAR
№ 01(k) ggg
Naxçıvan şəhəri «18» yanvar 2020-ci il
“Naxçıvan Muxtar Respublikası tibb müəssisələrinin 2019-cu il fəaliyyət göstəricilərinin daha da yaxşılaşdırılması məqsədilə” Naxçıvan Muxtar Respublikası Səhiyyə Nazirliyinin Kollegiyası
qərara alır:
1.“Naxçıvan Muxtar Respublikası Səhiyyə Nazirliyi tibb müəssisələrinin 2019 - cu il fəaliyyət göstəriciləri haqqında” Naxçıvan Muxtar Respublikası Səhiyyə Nazirliyinin Kollegiyasına təqdim olunan arayış nəzərə alınsın.
2. Naxçıvan Muxtar Respublikası Səhiyyə Nazirliyinin tibb müəssisələrinin 2019-cu il fəaliyyət göstəriciləri qənaətbəxş hesab edilsin
3. Tapşırılsın Naxçıvan Muxtar Respublikası Səhiyyə nazirinin müavini Samrat Gəncəyevaya:
3.1.Naxçıvan Muxtar Respublika Səhiyyə Nazirliyinin iş planında nəzərdə tutulan tədbirlərin icrasına nəzarət daha da artırılsın. Səhiyyə müəssisələrində çalışan həkim və orta tibb işçiləri arasında Sertifikasiya imtahanlarının və ixtisas dərəcələrinin verilməsi tədbirləri davam etdirilsin.
4. Tapşırılsın Naxçıvan Muxtar Respublikası Səhiyyə Nazirliyinin Tibbi yardımın təşkili şöbəsinin müdiri Süleyman Cəfərova:
4.1. Muxtar respublikada əhaliyə göstərilən terapevtik, cərrahi, mama-ginekoloji və pediatrik tibbi xidmətin daha da yaxşılaşdırlmasına nail olunsun. İcbari dispanserizasiyası tədbirləri davam etdirilsin, əhali arasında səhiyyə maarifi işləri daha da artırılsın. Xəstələrin müayinə və müalicə protokollarından səmərəli istifadə olunmasına, tibbi sənədləşmə işlərinin daha da yaxşılaşmasına, əlilliyin təyini üçün TSEK-ə göndərişlərdə hiperdiaqnostika hallarının qarşısının alınmasına və nöqsanların aradan qaldırılmasına nəzarət daha da gücləndirilsin.
Doğum Mərkəzi və rayon mərkəzi xəstəxanalarının doğuş şöbələrinin və neonatoloji kabinələrin sanitar-gigyenik vəziyyətinə nəzarət daha da gücləndirilsin. Bu sahədə çalışan tibb işçilərinin profilaktik müayinələrdən keçmələri və hepatit əleyhinə peyvəndə cəlb olunması işinə daim nəzarət olunsun.
5. Tapşırılsın Naxçıvan Muxtar Respublikası Səhiyyə Nazirliyinin Kadr, elm və təhsil sektorunun müdiri Səmayə İbrahimovaya:
5.1.Kadr çatışmayan səhiyyə müəssisələrinin tibbi kadrlarla təminatının yaxşılaşdırılmasına, həkim və orta tibb işçilərinin ixtisasartırma kurslarına, iş yerində təcürbəyə göndərilməsi işinə, rezidentlərin fəaliyyətinə, həkim və otra tibb işçilərinin sertifikasiya imtahanından keçmələrinə, fəaliyyəti ilə fərqlənən tibb işçilərinə ixtisas dərəcələrinin verilməsinə nəzarət daha da gücləndirilsin.
6.Tapşırılsın Naxçıvan Muxtar Respublikası Səhiyyə Nazirliyinin Əczaçılıq və dərman vasitələrinin reyestri sektorunun müdiri Hacı Əliyevə:
6.1.Muxtar respublika ərazisində fəaliyyət göstərən əczaxanaların, özəl tibb müəssisələrinin lisenziya şərtlərinə ciddi nəzarət edilsin, imtiyazlı xəstələrin dərman preparatlari və tibbi materiallarla təminatının daha da yaxşılaşdırılmasına nail olunsun. Əczaxanaların, özəl tibb müəssisələrinin və stomatoloji kabinetlərin fəaliyyətinə, dərmanların, xüsusən də uşaq yeməklərinin saxlanılmasına nəzarət daha da artırılsın. Tibb müəssisələrində fövqələdə hallarla bağlı dərman və tibbi materiallardan ibarət ehtiyatların yaradılması və onun təzələnməsi işinə nəzarət daha da gücləndirilsin.
7.Tapşırılsın Naxçıvan Muxtar Respublikası Səhiyyə Nazirliyinin Tibbi statistika və informatika sektorunun müdiri Kəmalə Həsənovaya:
7.1. Səhiyyə müəssisələrindən tibbi xidmətə aid statistik məlumatların alınması, təhlili, hesabatların hazırlanması, xüsusən də onların dürüstlüyünə nəzarət daha da artırılsın.
8. Tapşırılsın Naxçıvan Muxtar Respublikası Səhiyyə Nazirliyinin Maliyyə- iqtisadiyyat sektorunun müdiri Fatma Zeynalovaya:
8.1. Tibb müəssisələrinin maliyyə - təssərüfat fəaliyyətində dəqiqliyə nəzarət daha da gücləndirilsin. Elektron ödənişlərdən istifadəyə geniş yer verilsin. Tibb müəssilərinin balansında olan inventar və avadanlıqların qorunması və ilin sonunda inventarizasiyasının aparılmasına nəzarət daha da artırılsın.
9.Tapşırılsın Naxçıvan Muxtar Respublikası Səhiyyə Nazirliyinin Ümumi İşlər sektorunun müdiri Sərxan Əkbərova:
9.1. Bütün kargüzarlıq işlərinə, şikayət və ərizələrin baxılmasına, əmr, qərar, sərəncam və məktubların aidiyyəti üzrə çatdırılmasına, kollegiya qərarlarının yerlərdə icrasına nəzarət işi daha da artırılsın.
10.Tapşırılsın Naxçıvan Muxtar Respublikası Səhiyyə Nazirliyinin tabeliyində olan dövlət və özəl tibb müəssisə rəhbərlərinə:
10.1. Əhaliyə göstərilən terapevtik, cərrahi, mama-ginekoloji, pediatrik tibbi xidmət günün tələbləri səviyyəsində qurulsun. Xəstələrin müayinə və müalicə protokollarından səmərəli istifadə edilsin. Stasionar xidmət göstəricilərinin yaxşılaşdırılmasına nail olunsun, xroniki xəstələrin dispanser qeydiyyatına, iş planlarında nəzərdə tutulan tədbirlərin icrasına nəzarət artırılsın. Kadrların yerləşdirilməsi, tibbi sənədləşmə, kargüzarlıq işlərində, TSEK-ə göndərişlərdə, əmək iqtidarsızlıq vərəqələrinin verilməsində nöqsanlara yol verilməsin. Əmək intizamına ciddi nəzarət edilsin. Həkim və orta tibb işçilərinin peşə və bacarıqlarının artırılması ilə bağlı tədbirlər mütəmadi olaraq davam etdirilsin. Tibbi avadanlıqların istifadəsinə, qorunmasına, ehtiyac olan hallarda təmirinə diqqət daha da artırılsın. Qanla keçən infeksiyaların, xüsusən də virus B və C hepatitinin aşkar edilməsi, profilaktiki tədbirlərin icrasına, xəstələrin müalicəsinə nəzarət daha da gücləndirilsin. Muxtar respublikada icbari tibbi sığortanın tətbiqi ilə bağlı səhiyyə müəssisələrində tibbi xidmət zamanı əmr və təlimatlardan düzgün istifadə olunmasına nəzarət artırılsın.
11.Tapşırılsın Naxçıvan Muxtar Respublikası və rayon gigiyena və epidemiologiya mərkəzlərinin direktorlarına:
11.1. Muxtar respublika ərazisində yoluxucu xəstəliklərin qarşısının alınması üçün sanitar - gigiyenik və əks - epidemik tədbirlər daha da artırılsın. Qoruyucu peyvəndlərin icrasına, obliqat qrupların müayinəsinə, tibb müəssisələrinin, bazarların, ictimai-iaşə obyektlərinin, gözəllik və şadlıq salonlarının sanitar-gigiyenik vəziyyətinə nəzarət daha da artırılsın.
12. Qərarın icrasına nəzarət nazir müavini Samrat Gəncəyevaya həvalə olunsun.
Kollegiyanın sədri,
Nazir: Niyazi Novruzov
Kollegiyanın məsul
katibi: Səbuhi İbrahimov